Ya son remataus os cursos, ya ye plegau o verano y todas y totz fuyimos d’as ciudatz, os treballos y os estudios. Ye tiempo de viyer mundo, de conoixer chent y vivir experiencias. Y de fer-lo, prou que sí, en aragonés.
Queremos que l’aragonés se veiga por tot tamién de verano, asinas que tos proposamos que en istos meses nos aduyetz a ixemenar un poquet la nuestra lengua. Iste verano empliremos d’a revista O espiello y d’o libro Ucronía, os millors puestos turisticos.
Si te’n vas de vacanzas, pasa-te antes por a siede de Nogara. Astí t’aspera un lote de numers d’a revista O Espiello y un libro Ucronía. Leva-te-lo t’o tuyo lugar u t’o puesto que vaigas de vacanzas, deixa-lo en o bar, albrgue, camping, casa rural, … an que siga, ta que toda la chent pueda leyer-lo. Y alcorda-te de penchar una foto en os retz con o hashtag #VacanzasEnAragones!
Si tiens un establecimiento, mete-te en contacto con l’asociación y prebaremos de fer-te plegar o lote. En Nogara somos muita chent y nos encanta de viachar, asinas que regular que pasamos cerca de casa tuya!