Cincomarzada Nogarera

IMG-20160305-WA0021En iste anyo tant especial t’a nuestra asociación, no podebanos faltar en una celebración como a d’a Cincomarzada, an que nos achuntamos buena parte d’o teixiu asociativo zaragozano. Iste anyo, faciemos bien vistero l’aragonés en o Parque Tío Jorge, y pasemos uns ratos rebuenos fendo servir a nuestra lengua.

O diya d’antes, en a tabierna d’Ordio Minero, prencipiemos a borina presentando en sociedat a nuestra biera Religada. Como recordaretz, o nombre estió esleixiu en un concurso popular y se tastó por primer vegada en una fiesta en Casa Lambrote. En iste acto, podiemos viyer o disenyo d’a etiqueta, basau en un mosaico romano de Calanda. Chesús, de Ordio Minero, nos explicó as caracteristicas d’a biera artesana, y a secretaria de l’asociación presentó o cartel de Abril en aragonés, una ripa d’actividatz que organizamos ixe mes, y que tos contaremos en bell diya.

A l’atro diya, bien luego de maitins, socias/os y alumnas/os de Nogara yeran montando o puesto en o parque. devantar-se a ixas horas ye dificil, y más en un diya de fiesta, asinas que a las 12:00 ya yera acotolando-se a primer tongada de migas. A cheta de Religada no deixaba d’emplir, de biera Religada, os vasos feitos por a FABZ, que incluyiban l’aragonés en o suyo lema “Vicos vivos”.

Ta chentar l’equipo cociner de Nogara, aprestó unas buenismas migas, con opción vegana. L’orache acompanyó, con bell ratet espurniando, sin que ixo nos fese reblar ni un sacre. Por a barra de Nogara pasoron socios/as, ex-alumnos/as, amigos/as, y a saber que chent intresada por l’aragonés. Un anyo más, contrimostramos que l’aragonés intresa, y muito, a la sociedat zaragozana.

Ya bien de nueitz repleguemos tot. Con cansera, pero bien contentos d’haber teniu un diya tant divertiu y an que visibilicemos a nuestra lengua y a nuestra luita por os dreitos lingüisticos.

Anuncios
Esta entrada fue publicada en Actividatz y etiquetada , , , . Guarda el enlace permanente.

Una respuesta a Cincomarzada Nogarera

  1. Pingback: Abril por l’aragonés | Asociación Cultural Nogara – Religada

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s